Для жанчын іграла скрыпка
Хворых тэрапеўтычнага аддзялення раённай бальніцы ў жаночы дзень 8 Сакавіка музычным падарункам адарыў мясцовы скрыпач Роберт Рыбянчанка.
Некалькі прыемных хвілін для прадстаўніц прыгожай паловы чалавецтва прынеслі не толькі задавальненне. Класічныя мелодыі быццам аслабілі боль, дазволілі на пэўны час забыцца і пра дыягназ, і пра сардэчныя трывогі. Настрой і пазітыў той сакавіцкай сонечнай раніцы нібы амаладзілі сталых жанчын і падбадзёрылі.
В.БАГДАНОВІЧ.
