Человек труда Людмила Гулевич. С добрым сердцем к пациентам

Избавиться от печали и страданий больному человеку помогают не только медицинские препараты, но и доброе слово, внимательное отношение и искреннее сострадание. Такими чувствами согревает пациентов терапевтического отделения центральной районной больницы палатная санитарка Людмила Гулевич.

Текст автором подготовлен на белорусском языке.

У працоўныя абавязкі Людмілы Васільеўны ўваходзіць навядзенне парадку і дэзынфекцыя палат, калідораў і службовых дапаможных памяшканняў. Таксама медыцынскі работнік ажыццяўляе догляд за цяжкімі хворымі, калі трэба замяніць ляжачым пацыентам падкладную пялюшку або падгузнік, падаць шклянку вады, асвяжыць цела і іншае. Адным словам, зрабіць усё, каб чалавек адчуваў сябе на бальнічным ложку камфортна, утульна і ведаў, што аб ім клапоцяцца і імкнуцца прыкласці максімум намаганняў для яго хутчэйшага выздараўлення.

За некалькі гадоў працы ў тераўпетычным аддзяленні Людміла Гулевіч назапасіла не толькі багаты вопыт і шэраг ведаў па тэхналогіі ўборкі памяшканняў, але і навучылася адчуваць чужыя мукі, трывогу і душэўныя пакуты. Лагодная ўсмешка, бадзёрае слова і ветлівы жаночы позірк, нібы чарадзейны лекавы сродак, дапамагаюць справіцца з сумненнем і палягчаюць боль. А ўзнагарода за ўвагу да хворых – іх сардэчная падзяка і станоўчае самаадчуванне.

Валентина ПРАНКЕВИЧ.
Фото автора.