«На Купалу сонца грала…»
Словы з гэтай народнай абрадавай песні ніяк не адпавядалі рэальнасці ў ноч з 6 на 7 ліпеня. І хоць на Купалле неба хмарылася і румзала халоднымі буйнымі кроплямі, каля возера Святога вадзілі карагоды русалкі, шукалі папараць-кветку хлапцы і дзяўчаты, гучалі музыка, смех і жарты – гэта чачаране адзначалі ўсімі любімае і жаданае свята.
Адбываліся тут традыцыйныя цыганскія варожбы і магічная дзея пазбаўлення пахамі духмяных траў ад нячыстай сілы, моладзь бавілася ў забаўляльныя гульні, дзяўчаты пускалі на ваду вяночкі – прыйдзі, любы-жаданы.
