Чачаране святкавалі 100-годдзе БССР
На сцэне раённага Дома культуры развярнулася канцэртная праграма з нагоды 100-гадовага юбілею Беларускай Савецкай Сацыялістычнай Рэспублікі.
Храналогія падзей ад 1 студзеня 1919 года да развалу краіны Саветаў была прадстаўлена ўвазе гледачоў пасрэдніцтвам відэароліка. Юбілейную тэму падхапілі артысты раёна, усхваляючы працу народа і акрэсліваючы гістарычную эпапею маладой рэспублікі. Сучаснікам неабходна ведаць гісторыю сваёй краіны, каб і надалей трымаць высока над галавой сцяг перадавога вопыту і патрыятызму.
