Візітная картка Нісімкавіч – маляўнічы падворак Гулевічаў
Візітная картка аграгарадка Нісімкавічы – падворак Гулевічаў. У вядзерцах, каробках і гаршчочках песцяцца пад лагодным сонцам кветкі.
Кветкавае царства тут з вясны да позняй восені: цюльпаны, нарцысы, лілеі, астры, аксаміткі, півоні. Калі праходзіш міма, паляпшаецца настрой.
Таццяна Пятроўна 35 гадоў працавала клубным бібліятэкарам. Некалі ў Гулевічаў была вялікая гаспадарка. Віктар Мікалаевіч за 40 гадоў стажу не цураўся ніякой працы, разам з дзяржаўным клопатам думаў і пра сям’ю. Хутка сыны падраслі і парадавалі ўнукамі, цяпер неабходна і ім дапамагчы стаць на ногі, вывучыць двух студэнтаў ВНУ.
