На Чачэршчыне завяршылася ўборка каралевы палёў
Андрэй Буракоў.
Аграрыі краю завяршылі работы на кукурузных палетках.
Сярод лідараў на нарыхтоўцы гэтай расліны на зерне Павел Роеў з «Вазнясенска», на рахунку якога 1700 тон, на другім месцы отарскі Дзмітрый Міхайлаў – 1061 т і замыкае перадавую тройку Раман Аляксеенка са «Звязды» з паказчыкам у 662 т.
На ўборцы каралевы палёў на сілас вылучыліся отарскі аграрый Андрэй Буракоў, які назапасіў 32857 тон сакавітага корму, Алег Ананенка з ААТ «Вазнясенск» – 19800 т і Аляксей Нарушаў са «Звязды» – 17762 т.
Сярод занятых на адвозцы зялёнай масы Павел Турмасаў і Васіль Паціпка з сяльгаспрадпрыемства «Звязда», а таксама механізатар ААТ «Отар» Дзяніс Кандрацьеў.
